Казахстанерча яхьашка белгалваьлар вай спортсмен Маценаькъан Ювсап
09.06.2025 09:25
Астанерча эллиной-румий латарах йолча яхьашка, белгалваьлар вай мехкахо. Казахстана Кубок яьккхар Маценаькъан Ювсапа, ший мел бола низ-хьинар гойта. Из хоам «Сердалога» бир Минспорта зарбан болх лелабеча ГӀаппархой Аишас.
«97 кийла дозал долча спортсменашта юкъе дика толам баьккхар «Ади – Ахмад» яхача спортклуба доакъашхочо. Казахстана ерригача моттигашкара гулбенна спортсменаш яхь дӀахьош хиннача кӀира ше-ше котвала гӀерташ вар», - дийцар тха газетага.
Белгалде деза, «Сердало» газето цу клуба цхьаькха спортсменах, 87 кг дозал долча, котало яьккхача спортсменах Йовлой Исламах хьалха яздаь хиннилга.
