Европан U-23 яхьашка, котало яьккхар Хоаной вежараша
11.03.2025 09:29
Укх бетта 8-ча денгара 14-ча денга кхаччалца, Албанерча Тирана яхача шахьаре дӀахьоча йоккхача яхьашка котало яьккхар вай мехкахоша.
Из хоам «Сердалога» бир спорта гӀулакхех йолча министерствос. Хоаной ИсмаӀал, Мухьаммад-ТӀахӀир белгалбаьлар дуккхача спортсменашта юкъе. 74 кг дозал дарашта юкъе лакхерча лагӀа тӀа ваьлар ИсмаӀал.
Тайп-тайпарча мехкашкарча кхаь спортсменаца летар вай мехкахо. ТӀеххьара латар, гӀуозлой мехкарча спортсменаца хилар, 5 : 2 йолаш чакхъяьлар яхь. Иштта дика кийчо гойтар шоллагӀволча вошас а, Ибонян Князаца латаш, 12:1 йолаш котваьлар из.
