ГӀалгӀай къаман
юкъара газет

Кердадараш

Вайцигарча наха Молочанске балхаш дир

Вайцигара аварийно-меттаоттадара тоаба хьожаяьяр Запорожский областа Пологовски кхален Молочанск-Шахьаре, цо дика дакъа юкъедихьар, цигарча Ӏаьдало дехарах, ЖКХ даькъ тӀара балхаш деча, яхаш, хоам бу «Сердало» газетага ГӀалгӀай Республикан паччахьалкхено.

«Балха говзал лакха йолаш, лаьрххӀа пхи саг чувоагӀаш тоаба яр цига 600 метр вӀаштӀара даьча цӀеношка хий чудилла яха хиннар. Из дар Молочанск-Шахьара Новая яхача урам тӀа. Из доацаш а, вайцигара бахача болхлоша сердал а тоаяьй Шевченко урам тӀа» - йоах хоамо.

Укхаза къахьегаш ба шоай балхах дика кхеташ бола нах, гӀишлон, монтажни, иштта кхыдола балхаш цар хьалхара деш дац. ХӀанз укх сахьате, уж ба, шахьара поликлиникерча котельнеца дувзаденна балхаш деш.

КхоалагӀа дакъа болх баь баьннаб. Кастта лорашта йоагӀаш йола йӀовхал лоаттаергья, дӀайха хий хургда. Цу тайпара декхараш кхоачашдеш хилар чӀоагӀа лоархӀаме да, хӀанз ара шелал отташ хиларца дувзаденна, Молочанска бахархой вахара хьал тоадара из ца хилча даргдоацар а да.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде