ГКУ «РЦОИ» хинна кулгалхои дешара министерства болхлойи Iаьдала ахча диа гучабаьннаб
Сотрудники Минобра и Центра обработки информации Ингушетии подозреваются следственными органами в присвоении около 8 млн. рублей. Бывший директор ГКУ «Региональный центр обработки информации» (РЦОИ) и должностные лица Минобра РИ подозреваются в совершении мошенничества и служебного подлога, сообщили газете «Сердало» в пресс-службе СУ СК России по Республике Ингушетия.
«Геттара лоархIаме дола гIулакхаш тохкаш волча следователа тохкаш латт 32 шу даьннача, «РЦОИ» кулгалдеш хиннача, вахархочун гIулакх. Цунца цхьана, тийшача белха юкъебахаб дешареи Iилманеи министерства болхлой.
Шоай болх-моттигаш кIала оттаеш доккхача ахчанца Iаьдала зе деш тийшаболх чакхбаьккхарех ба уж нах», — аьлар Iаьдала болхлоша.
Из гIулакх тохкаш болча Iаьдала болхлошта гучадаьннад, 2018 шера, гурахьа, цу наха шоайла, Iаьдалгара дукха ахча лочкъаде барт баь хинналга.
Ма дарра аьлча, ЕГЭ латтача хана, цу юкъе дакъа лоацаш хиннача хьехархошта хьадоагIача ахча тIа шоашкара дукхагIа сахьаташ IотIаоттадаь, тийшаболх чакхбаьккхаб цар.
Цу гIулакха эшаш дола каьхаташ кийчдаь, хьадоагIача 11 млн ахча меттала, 18, 5 млн сом ахча Iаьдалгара хьаийцад цар.
Минфине харцонца оттадаь каьхаташ дIачуденна, Банкера ахча хьаийца, шоай гIулакх чакхдаьккхад зуламхоша. 7, 5 млн сом ахча шоайла дIа-хьа дийкъа, паргIатта дуне дуаш хиннаб аттача ахчаца шоай вахар тоадеш баха лаьрхIараш.
Цу гIулакха тIехьа, тохкам дIахьош да Iаьдал тахан.
