Гӏалгӏайчен бахархоша ЦУРе деш дола лоткъамаш укх кӏира диълагӏа дакъа хиллал лаьгӏделар
Паччахьалкхене кхетаче йолаш, Гӏалгӏайчен ЦУРо тов бетта 7-ча денгара 13 денга кхаччалца баьча балхах дийцар. Цу юкъа моттигерча 83 сага кхайкарал дир, цо хьагойт дӏадахача кӏира хинначул диълагӏа дакъа кӏезигагӏа уж хилар. Жоп ца луш дита моттиг яц, теркалдара болх дӏабихьаб 4 сахьата 48 минота.
«Дукхагӏча даькъе хаттараш дувзаденна дар ЖХК - 49 е 59%. Бахархой латкъаш хилар дӏайха е шийла хий доацаш хилара. Иштта лоархӏаме хаттараш хилар - энергетика, наькъашкара хьал, дешара хаттараш дувцаш. Керттера терко тӏаозаш хиннача хаттарех цаӏ дар Шолжерча Горьке урамах этта хьал.
Бахархоша хоам бу, цигара никъ дукха кӏоагаш доахкаш, беха хиларах. Бакъда из дош хьалха а моттигерча ӏаьдала хьалхашка айдаь хиннад. Цул совгӏа, цу урамах бах СВО дезал. Иштта лаьрхӏар цига дӏа а баха из хьал тахка, сиха кхоачамбоацараш юстардаха», - аьлар «Сердало» газетага Гӏалгӏайчен Паччахьалкхене.
Гӏалгӏайчен министрий кабинета хӏара денна дӏахьоча балха юкъедоагIаш да Центро лоаттадеш дола хоамаш. Бахархошкара хьакхоачаш бола хоам тохкаш, дӏахо из хаттар кхоачашдара болх дӏахьош ба. Цу даькъ тӏа республикан кулгалхоша хоадам бола декхараш хьалхашка оттаду доал дара даькъ тӏарча кулгалхошта, цудухьа уж сиха кхоачашде таро хул.
