Моттигерча Ӏаьдала балхаш тӀарча зарбан болх лелаберий секретарашта лаьрхӀа семинар дӀайихьар ЦУРо
Мехкарча Ӏаьдала моттигашка зарбан болх лелаберашта лаьрхӀа семинар дӀайихьар ЦУРе. Цу дешара юкъе кертте оттадаьр дар, бух боацаш арадувлача къамаьлашта духьалара болх нийса дӀабахьа Ӏомабар.
«Семинар дӀахьош хиннараша дийцар, бакъдоацаш даржаш дола хоамаш теркал ца деш дитача, из харцахьдала йиш йолга. Цига хьалхадаьккхар, моллагӀа хоам бух болаш бий мишта тахка деза. Министерствошка, иштта кхыйолча моттигашка зарбан болх дӀахьорашта дикка пайда беш, бакъдоацача хоамашта духьалара болх боаггӀача боараме дӀабахьа Ӏомабеш хилар из семинар», - дийцар «Сердалога» мехкарча ЦУРо.
Дер дайнараша бахархошта юкъе доаржадеш дола бакъдоаца хабараш тесса ца дуташ, ханнахьа теркалдаь, царна духьала дӀабахьа безаш бола болх боаггӀача боараме чакхбаккха беза, хӀана аьлча, из лоархӀаме да цу хоамашца ювзаеннача хӀара моттигах бола наьха тешам бовргбоацаш.
Семинаре дийцараша балха тӀа гӀо дергда зарбан болх лелаберашта.
