«Лужники» яхача моттиге, гӏишлонхой Ди дездеча дакъа лаьцар вай мехкахоша
Гӏишлонхой Ди дӏакхайкадаь 70 шу дизара хетаяь йоккха кхетаче дӏахьош хилар, Москверча «Лужники» оалача спорта доазон тӏа. Цига дакъа лоацаш хилар вай мехкара викалаш.
«Столице ший балха гӏулакхашта ваха хинна Паччахьалкхен хьалха латта Сластенин Владимир хилар цига дакъа лоацаш, моттигерча гӏишлошъерий министерствон хьалха латтача Иленаькъан Мусайца. Вай мехкарча премьер-министра федеральни оагӏонцарча хьакимашца дийцар, республике дӏаяхьа лерхӏача лоархӏамеча проектех, иштта кхыдолча гӏулакхех», - йоах «Сердалога» мехкарча Паччахьалкхера бенача хоамо.
СССР гӏишлонхой цӏай дола ди белгалде соцам баь 70 шу дизар укх шера. Гӏишлонхой Ди цу хана денз лоархӏаме, башха моттиг дӏалоацаш да мехка. Россе экономически оагӏонцара хьал меттаоттадеш, гӏишлошъяра балхашцара декхараш боаггӏача боараме, бехктокхаме кхоачашдеш хьабоагӏача къахьегамхошта доккха баркал кхайкаду ди да из!
