ГӀалгӀайчера викалаш дакъа лоацаш ба «ЗӀамагӀа бола мохк - Россе низ» яхача кхетаче
Тахан Москве хьабийллар 11-гӀа Ерригроссийски даькъ тӀара «ЗӀамагӀа бола мохк - Россе низ» яха гуллам. Из тамашийна кхетаче вӀашагӀъеллаяр Россе Президента хьалхадаккхарах, дешар хьаллацара дола керттера хаттараш дувца дагахьа.
ГӀалгӀайчен викалаш а цу юкъе дакъа лоацаш ба. Уж ба ГӀалгӀай Республикан Кулгалхочун, Паччахьалкхен аппарата кулгалхо Мархенаькъан Анзор, иштта кхыбола кулгалхой.
ГӀалгӀайчен мехкадас Келаматанаькъан Махьмуд-Ӏаьлас ше тешаш ва аьлар, цу кхетаче гуллуча наха вахара говзал хилийтара бола пайда эцаргба аьнна, иштта шоайла бувзам лелабара никъ а лохаргба.
Тахан мехка белгалду моттигерча доал деча даькъ тӀарча наьха балха Ди.
«Аз лоархӀачох, доал деча даькъ тӀара болх моттийта беш хила йиш яц. Ший юрта вахача хӀара сагах, юртах, шахьарах, кхаленах дог лазаш хила веза», - аьлар Келаматанаькъан Махьмуд-Ӏаьлас.
