ГӀалгӀайчен викалаш дакъа лоацаш ба «Кагирхой туристически моттиг» яхача кхетаче
«Машук» яхача дешара центре укх шин дийнахьа дӀахьош я мехкашта юкъера аналитически сесси, из хетаяьй «Маевка. Наькъа ахарал дукхагӀа» яхача ӀӀӀ-ча ерригроссийски туризма кхетаченна. Цу кхетачене дакъа лаца Россе тайп-тайпарча моттигашкара, наькъа йолча туризма, кагирхой политикан викалаш, туристически клубий, кагирхой центрий кулгалхой баьхкабар.
Сессе балха тахка лаьрхӀар керда туристически наькъаш хьаделлара дола хаттараш, цу даькъ тӀа шоайла бувзам лелабар.
Федеральни кагирхой гӀулакха агентствон кулгалхочо Гуров Григоре яхачох, наькъа волаш дӀахьош йола туристий ха дика таро луш я мехка хоза моттигаш йовзара, цул совгӀа цо тоабан болх а дика вӀашагӀболл.
«Сессе доакъашхой декхар да туристически даькъ тӀара болх тоабар, из дикагӀа дегӀабоалабар, мехка кагирхой политикан эзараш урхалленаш юкъеяхар. Сессе дӀабихьача балха чаккхе еш, карагӀдаргда Россе наькъа лела туризм дика дегӀайоалае, из кагирхошта юкъе лоархӀаме хилар чӀоагӀде», - аьлар ГӀалгӀайчен кагирхой цхьанкхетарий цӀагӀа.
