Наьсарера политехнически колледж тоаеш дӏабихьача балхага хьежар, Паччахьалкхен Думан депутат Татренаькъан М.
Россе Паччахьалкхен Думан депутат вола Татренаькъан Муслим «Цаӏ йолча Россеца» политехнически колледж тоаеш дӏахьоча балхага хьажа ваха хилар. Таханарча дийнахьа цига тайп-тайпара говзалаш караерзаеш дешараш вай мехкара 1800 студент ва. Партийни десанта теркалдир, болх малагӏча боараме дӏахьош ба.
«Болх боаггӏача боараме, бехктокхаме чакхбаккхарах дийцар единороссаша, цу балха хьалхалаттарашца. Колледжа кулгалхочо, генеральни подрядчика белгалдир беррига болх юххьанца къоастаяьча хана чакхбаккха лерхӏилга. 2000-ча шера хьайийлла йола из колледж, иштта боккха болх дӏахьош, тахан хьалхара тоаеш я. Хӏара шера тӏагӏолла кулг тохаш, лостам барал совгӏа; тишденнар хувцаш болх дӏабихьа хиннабац укхаза. Ялх дешара корпусах латташ я из моттиг, дукха дешархой, хьехархой ба хӏара шера цу чу къахьегараш», - дийцар «Сердалога» «Цаӏ йолча Россе» зарбан болх лелабераша.
Укх шера бекарга бетта дӏаболабир цига болх. Студенташта, хьехархошта дикка паргӏато еш, доккхий хувцамаш да цига деш латтараш.
