Паччахьалкхен Думан депутата, Россе герзашцарча низех йолча министерствон майдилг елар
08.12.2023 09:18
РФ кхерамзле чӀоагӀъяра болча наькъ тӀа къахьегарах майдилг елар Паччахьалкхен Думан депутат волча Татренаькъан Муслима. Доккха баркал оалаш, политика белгалдир, Даьхен гӀулакха къахьега масса хана кийча ва ше, аьнна.
«Аз доаккхал ду, сай болх теркалбаь иштта дола совгӀат сайна даларах. ДӀахо къахьегара а лоархӀаме да из. Цу наькъ тӀа сайна уллув мел лаьттарашта а, дег чура баркал оал аз. Оаш оагӀув хьаллоацаш, халонашта духьала увтта Ӏомавеш дӀачакхваьннав со», - аьлар Татренаькъан Муслима.
2019-ча шера хьайир «РФ герзашцара низаш чӀоагӀдеш къахьийгарашта» яха майдилг. ТӀемахошта, кхыйолча Ӏаьдала моттигашка къахьегарашта тела оттаяь я из.
