Цу чу буъа кхача хиларал совгIа, вахаре эшаш йола, берашта эша дукха хIамаш хургья. «Купянск яха моттиг тахан, Харьковски областа столица лоархIаш я. Цига бац телефонацара бувзам, иштта хала да кхыдараш а. Эшача моттигашка гуманитарни кхуврчера хIамаш дIа-хьа кхухьаш нах хургба. Царех я тахан Изюм, Волчанск, Чугуев», — аьлар Сидякин Александра. Гуманитарни кхуврчаш хьаделларгда кхыйолча моттигашка а, цул совгIа, цхьан-шин кIира болх бе йолалургья лорий кабинеташ.

Цига къахьегаш хургба Россера гIо де кийча бола лораш. БIаьсти, Луганскеи Донбасеи ваха хиннача, БIархой Бекхана баьбар из соцам. Харьковски областе гуманитарни кхуврч хьабеллалга керттерачарех да аьнна белгалдир, цо цу хана. «Донбасера нах тахан чIоагIа сатувсаш ба из кхуврч хьабеларгболча денга. «Единая Россия» яхача парте буъа кхача лоаттабарал совгIа, тIадувха барзкъаш, вахаре хьалхарча юхьанца эшаш йола хIамаш лоаттаю мукъяьхача моттигашка.

ДIахо йодача хана цига лоаттабергба, дарбанчашка эша кхоачам, иштта кхыдараш. Эггара чIоагIагIа, тахан, терко е езараш бераш да. Укх бархI шера Донбасера бераш гонахьа герзаш детташ деша дIаихаб. Царна хьу книжкаш, деша ухаш мел эша хIамаш, зIамагIачарна игрушкаш. Царна хов, Россе шоай хIама кIаладутаргдоацалга, шоашта тахан, гIо дергдолга», — аьлар БIархой Бекхана. Хьоахаде деза, «Единая Россия» яхача парте Донбасеи Луганскеи бахача наха, из хатар эттача хьалхарча дийнахьа денза, гIо лоаттадаьлга. Мехка субъекташкарча партийни оагIонаша, 9 эзар тонн гуманитарни гIо дахьийтад цига, 300 тонн молхаш кхаьчай цига.

Тахан, мукъаяьхача моттигашка шоай болх дIахьош, 20 гуманитарни кхуврчаш да, царех ийс — Мариуполе. Эггара хьалхара, иштта, кхуврч хьабийлар бIаьстан хьалхарча бетта, Мариуполе. Цига наха буъа кхача, молхаш яр, иштта, цига гIолла шоай бовзарашка, безарашка йист хила, хьалаха аьттув бар. Попасни, Херсоне бахача наха гIо ду, тахан, гуманитарни кхуврчаша.