Парламента депутата дакъа лаьцар, Мариуполе дагалоаттама хетаяьча моттиге
ГӀалгӀайчен Парламента депутат, къона гвардейцаш дакъа лоацаш хилар Мариуполе дагалоаттама хетаяь моттиг дӀахьош, Россе Турпалхочун, ДНР 1-ча эскара даькъа командира, инарал-лейтенанта Кутузов Романа сийленга тӀа зизаш доахкаш, яхаш, хоам бир «Сердало» газетага ГӀалгӀайчен парламенте.
«Цу лоархӀамеча дагалоаттама кхетачене иштта дакъа лаьцар ГӀалгӀай РО ВОО «ЦаӀ йолча Россе къона гварде» кулгалхочо, Халкъа Гуллама депутата Чаненаькъан Исроапила, из Мариуполе вола ши кӀира да. Бюст а цӀи тӀатеха дола улг а хьадийллар Российски Федераце Турпалхочун Кутузов Роман Владимировича сийна, хӀанзчул тӀехьагӀа цун цӀи лелаергйолча №7 йолча ишкола даькъ тӀа», - йоах хоамо. Цу кхетаче баьхка хилар ГӀалгӀайчен МГЕР волонтёраш, «Къона гварди-юнарми» яхача Мариупольска штаба толашагӀбараш. Из къаьгга масал да российски кагирхой Даьхенцара безам чӀоагӀа хилар хьагойташ дола.
Белгалду, Кутузов Роман Владимировича бӀун командирагара, къаьстта йолча бригадан мобильни бувзама кулгалхочун заместителга кхаччалца бола никъ дӀабихьаб.
Цо яьккхай Российски Федерацен Герзашцарча низий генштаба тӀема академи, цул тӀехьагӀа из хул ВДВ урхаллен фецарча пункта кулгалхо. ЛаьрххӀа йолча операце Кутузов дакъа лоацаш вар, хьалхарча деношка денз. Из велар 2022 шера, тӀема декхар кхоачашдеш.
