ГӏалгӀай мехкарча йиӀига, «Къона турпал» яха майдилг еннай
ГӏалгӀай Республике яхача 10 шу даьннача Дзовранаькъан Хадиджайна «Къона турпал» яха майдилг елар. Москверча Коталон музее хилар кхетаче, яхаш, хоам бу «Сердало» газетага «Къона гварди» яхача гӀалгӀай отделене зарбан болх лелаберий кулгалхочо Цӏолой Ислама.
Цо яхачох, «ЦаӀ йолча Россе Къона Гварде» луш яр уж майдилгаш берашта, шоаш зӀамига хиларга хьежжа доацаш, цар турпала гӀулакхаш гойтарах. Вай мехкахочунна Хадиджайна из совгӀат делар, карарча шера хи чу водачара ший воша кӀалхарвоаккхаш, цунна новкъостал дарах.
«Зӏамигача турпалхой кхетаченна чудоагӀаш майдилгаш елар ЛаьрххӀа йола операци дӀахьош болча ветеранашта, иштта Российски Федераце Турпалхошта», - аьлар хоамо.
Шин дийнахьа, шоай даьшца цхьана экскурсешка, концертни программашка хьожаш хилар цун доакъашхой.
Белгалду, хьалхагӀа «Сердало» газета яздаьдар Дзовранаькъан Хадиджайна ГӏалгӀай Республикан Паччахьалкхен Председатела Сластенин Владимира баркал кхайкадарах, иштта ГӏалгӀай паччахьалкхен 100 шу дизара майдилг а луш, ахчан совгӀат а деш.
