Къамий культурай бувзам
Укх бетта 19-ча денгара 21-ча денга кхаччалца вай мехка дӏайихьар «Къаман дувхара дийна ӏадаташ» яха мехкашта юкъера кхетаче - фестиваль.
Цу гӏулакха хьалхаэттараш: Россе кхалнаьха Союза республикера моттиг, ГКУ «Республикера къаман кхоллама, культурацарча кхетачений Цӏа», мехкара паччахьалкхен ашарий-драматически эрсий театр, иштта из хьаллаьцар мехкарча Паччахьалкхено, культуран гӏулакхех йолча министерствос, «Гӏалгӏайче» ГТРКас, «Магас» ГНТРКас». Фестивала программан юкъе яр Россе къамий цхьоагӏон Шера, советски кхалнаьха фашизма духьала йолча комитета 85 шу дизара хетаяь кхетаченаш.
«Цхьоагӏонца ба вай низ» яхачун тӏехьа бар берригаш. Къамашта юкъера культраца дувзаденнараш довзийташ, юкъера бувзам чӏоагӏбеш, къаман истори, оамалаш, ӏадаташ довзийташ дола дувхар дӏахьокхаш йола моттиг хилар цох.
Дакъа лоацаш хиннараш: Россе кхалнаьха Союза, СКФО викалаш; республикански, муниципальни моттигашкара хьакимаш; музея, культуран, ӏилман оагӏонца къахьегараш; кхоллама тоабаш, дешара, юкъарча моттигашкара болхлой. Фестивале хилар хьокхама оттадаь балхаш, тематически, гойтама доазонаш, иштта къаман даараш, хьаьша тӏаэцар.
