«Карарча хана асфальта хьалхара оаса Ӏобилла баьннаб 5 км. Юхебиса 8 км никъ гӀум, жагӀа Ӏобуллаш, чӀоагӀбеш латт. Иштта наькъа йистош а чӀоагӀъе езаш я, новкъа гӀармаш а ӀойогӀаргья, наькъа йистош чӀоагӀъеш дола сунт оттадергда, новкъа басара оасаш а доахкаргда. Из никъ тоабаь баргба ер шу чакхдалалехь», - аьлар цу боахама кулгалхочо. Моттигерча машений наькъа министра Хаматхананаькъан Батыра яхачох, цо таро хулийтаргья машенашта паргӀата лела а иштта наькъа хулаш бола хьовзам лаьгӀбе а. Белгалдоаккх, МагӀалбика кхале дукха ха йоацаш тоабаь йистебаьккхар «Керда-Редант - Дабий-Юрт яха машена никъ. Из бар 6,4 км бӀаьха.