«УнахцӀена вахар» яхача кхетаче, дакъа лаьцар вай университетерча доцента
«Ломоносов» яхача кердадараш юкъекхувлача Ӏилман-технологически МГУ «Воробьевы горы» оалача моттиге дӀайихьача «УнахцӀена тӀехье» яхача кхетаче дакъа лоацаш хилар вай паччахьалкхен университета психологехи хьехархой балхахи йолча кафедра доцент Ӏалбаканаькъан Зара. Наьха унахцӀенонца, Ӏилманца дувзаденна керттердараш доашхаш хилар кхетаче.
«ВӀашагӀкхетаре дакъа лоацаш бар Россера, иштта доазол арахьарча мехкашкара унахцӀенон оагӀон болхлой, кхыдолча гӀулакхаш тӀара къахьегамхой. Кхетаче дийцар тайп-тайпара кердадараш юкъекхувлаш, наьха унахцӀенон хьал ма хулла тоадарах, из иштта хргдолаш спорта, унахцӀена, дег1а зе деш боаца цӀена кхача буаш хилара нах тӀахьехарах», - йоах «Сердалога» университета зарбан болх лелабераша байтача хоамо.
Россе 57 моттигера, дунен 17 мехкара 800 совгӀа cаг вар кхетаче дакъа лоацаш. Доакъашхошта юкъера бувзам чӀоагӀбеш, болх дӀабихьар цу лоархӀамеча моттиго.
