Цискаштеи жIалештеи лаьрхIа цIалгаш Iоувттадергда вай мехкарча пхьешка
Первый вице-премьер Ингушетии Магомед Евлоев обсудил с начальником Ветеринарного управления РИ и сотрудниками муниципалитетов актуальную на сегодня тему отлова, учета и содержания безнадзорных животных.
Ветеринарни кхуврча кулгалдеча Дзуганаькъан Беслана яхачох, из хьал дикагIча оагIорахьа хувцар чудодаш да, доал доацаш лелача жIалешцеи цискашцеи къахетаме хила везалга чIоагIдеш долча, 2018 шера арадаьннача федеральни закона чу.
Цу гIулакха тIахьожам бе оттабаьча наха мел эша кхоачам болаш ба. Дзуганаькъан Беслана белгалдир, республике сихонца приют хьаела цискаштеи жIалештеи лаьрхIа. Вай зIамигача, биъ кога тIарча доттагIашта чуIе фусам хьаела тахан эшар да 15 млн. ахч.
Приют хургйола моттиг а къоастаяьй. Беркатеча оакхарий цIалг хургда Илдарха-ГIалий т1а. Цу гIулакха оарцагIбаьннарашта хьалхашка тахан латташ дола керттерадар — ма хулла сихагIа эша ахча вIаштIехьадаккхар. Дуккхача, къахетаме дегаш долча наха, сатем беш хургда из дика гIулакх. Аьттув хилба оарцагIбаьннарий!
