Лоархӏамеча наькъах ах тоабаь баьннаб мехка
«Кавказ»-Илдарха-Гӏала-Юкъера Ачалкхе-Гӏайрбик-Юрт яхача наькъацара 8 километрага кхоачаш дола доазув меттадоаладеш хилар мехка. Машина наькъаш тоадарах йолча программага гӏолла дӏаболабаь болх ба из. Пхи километр йолча доазон тӏа асфальт ӏобилла баьннаб тахан, юхейисача моттига хьал меттадоаладе гӏерташ, къахьегаш боахк болхлой.
«Кавказ» яхача федеральни наькъаца хоттам болаш, ишколе, берий беша, иштта кхыйолча лоархӏамеча моттигашка ухараш лелаш никъ ба из. Автобусаш лелаш моттиг я из, цунга хьежжа беррига никъ дӏа ца къовлаш дӏахьош ба болх. Гӏашлой никъ тоабаь, наькъашкара бокъонаш белгалъеш йола гӏармаш оттаяь, наькъашка басарашца къоастам баь, наькъа гонахьарча доазон тӏа кулг теха, хувцамаш дергда цига. Кхераме боацаш дика никъ хургба цох тоабаь баьлча», - дийцар «Сердалога» мехкарча Паччахьалкхене.
Белгалде деза, укх шера дӏахьоча балхаца мехкара 40 км наькъий хьал меттадоаладе лерхӏилга.
