ЗаӀапхой цхьанкхетаро кхетаче дӀайихьар, Путина тешам беннача республикерча сагаца
ДегӀа могашал эшаеннача наьха оагӀон доакъашхошца, кхетаче дӀахьош хилар РФ президента Путин Владимира тешам бенна вай республикера Кхоартой ИбрахӀим. Из хоам «Сердало» газетага бир единороссий зарбан болх лелабераша. Кхетаче дийцар, дегӀа могашал эшаеннача наьха бокъонаш лораярах, Ӏаьдалгара царна доагӀачох.
Эггара чӀоагӀагӀа теркам тӀабахийта безараш ба, шоаш лела ца лу, вордингаш чу багӀа унахой. Къаьстта цу наха могаш мел дола гӀо лоаттаде деза тахан.
«ХӀара шера тоабе хьож тхо из болх. Цу мугӀарерча наьха вахара хьал ма хулла аттача даккха гӀерташ, къахьег Ӏаьдала оагӀорахьарча викалаша. Вай паччахьалкхен хьалхашка латтача керттерча декхарех да, дегӀа могашал эшаеннача наьха хьашташ кхоачашдар, цар оагӀув хьаллоацаш дола гӀо лоаттадар», - белгалдир Кхоартой ИбрахӀима.
