«Хьажархой таро хилар цкъарчоа гӀалгӀай дезале кхача, цигарча турпалхой цатоамаш, дагабоалламаш довза. Цу беламеча спектаклаца керттердар дар, цӀа ший чӀоагӀача бедоалладе Ӏемача наьнах лаьца дувцар.

Мишта вӀаштӀехьадаьннад ялх воӀ, цар истий, 41 бер цхьан тхов кӀалха долаш баха? ХӀана дӀаийду нанас шийга цӀагӀа мел волча сага алапи, мишта вӀаштӀехьадоал кердача несий из деррига хувца. Цу хаттаршта доагӀа жоп корадергда хьажархошта, режиссёра Ӏахилганаькъан Фатимай беламеча балхага хьоже. Таханарча заман несий юхь ловзаеш я Ами Амер. Цун турпалхо Зара цӀагӀарча кхалнаха юкъе белгала я. Кердача несо, ший цӀен-даь фусаме ца эшаш леладу хӀамаш юстардоахаш хиларал совгӀа, хӀаране вахар а аттача доаккх», - аьлар культуран болхлоша.