«Спорта мастер» яха цӏи елар вай шин спортсмена
17.03.2026 09:32
«Россе спорта мастер» яха цӏи луш белгалбир вай мехкахой Чаненаькъан Анзори Шамали. «Сердалога» из хоам бир Минспорта зарбан болх лелабераша. Спорта гӏулакхех йолча министерствон кулгалхочун гӏонча Султиганаькъан Тӏахӏир вар из кхетаче дӏахьош хиннар.
Латархошта доккха баркал аьнна, цар дог ураоттадеш къамаьл дир цо. Воронеже дӏайихьар Россе цӏихезача тренера Горожанкина хетаяь йола еррига мехка миӏингаш юкъелоацаш йола яхьаш.
Йоккха говзал гойтар цига борза майдилг яьккхача Чаненаькъан Шамала, иштта дуккхача яхьашка белгалвоалаш хьавоагӏача Чаненаькъан Анзора а.
