Гӏалгӏайчера дзюдоист котваьлар, Россе Герзашцарча низий Чемпионате
09.07.2026 09:50
Гӏалгӏайчен дзюдо ишколе ӏомавенна Цӏечой Ахьмад котваьлар Российски Федераце Герзашцарча низий Чемпионате, яхаш, дийцар «Сердало» газетага ГӏР спорта Министерствон зарбан болх лелабеча Гӏаппархой Аишас.
Краснодаре яхьаш дӏахьош гулбелар берригача мехкара чӏоагӏагӏа бола латархой-бӏухой, уж бар шо-шоай куран яхьаш дӏахьоча хана белгалбаьннараш. Вай мехкахо вар Къулбехьен федеральни куран викал, цо гойтар дика кийчо яь, техниках кхеташ хилар. 90 кг дозал дарашца яхьеваьнна, цо берригаш эшабир, чемпиона цӏи а чӏоагӏйир шийна тӏехьа», - аьлар хоамо.
Тхога хоам баьчо яхачох, РФ Герзашцарча низий Чемпионат я российски спортсменаш-бӏухой хоржача керттера дакъа лоацаш, цо ерригроссийски яхье дакъа лацара никъ хьабелл.
