Беркате болам хьаллаьцар парте секретара
30.08.2023 12:47
«ЦаӀ йола Росси» яхача Наьсарен кхалерча ВПП секретарь волча Бохтаранаькъан Ювсапа хьаллаьцар «Ишколе даха кийчде бер» яха болам.
Вахара хьал хала долча дезалашкарча 20 бера ишколе долхаш эша хӀамаш ийцар цо. «Дуккхача дезалашкара ноаной хала кхесташ хул хӀара шера, ишколе дода бер кийчде аьттув боацаш. Ишколе эшаш бола кхоачам цхьатарра болаш хила деза деррига бераш; таро йолаш ба, хала боахкаш ба аьнна доацаш. Ишттача дезалашкарча берий оагӀув хьаллаца, цар дог хьаста хьажа деза вай», — белгалдир Юсапа.
