Кердача Реданте хьалъеш латтача ишколага хьежар единороссаш
Кердача Реданте 720 бера лаьрхIа хьалъеш латтача ишкола балхага хьажа бахар «ЦаI йолча Россе» доакъашхой. «Керда ишкол» яхача федеральни проекта Къаман программага гIолла дIахьош ба из болх. ГIишлон балхаш малагIча боараме даьд техкар партийни десанто.
«Керда ишкол хьалъеш болча балхага хьажа арабаьннараш бар VIII кхайкаралах болча Халкъа Гуллама хоржамий кандидаташ Дарсиганаькъан Мухьмад, ГIулой Руслан, Къоастой Ваха, Местой Беслан, Къоастой Аслан, иштта МагIалбика кхален парте оагIон секретарь ГIулой Къурейш, моттигера хьинардараш. Балха юкъе цхьаккха кхоачамбоацар дий хьожаш, хилар уж.
Укх шерарча бекарга бетта дIаболабаь болх ба из. ООО «Строймонолит» яха моттиг я из болх шийна дIатIаийцар. 2028-ча шера ардара бетта деррига балхаш чакхдаьха баьнна, ший хьалхара дешархой тIаэцаш, наIараш хьаелла езаш я ишкол юххьанца къоастадаьчох», - йоах «Сердалога» «ЦаI йолча Россера» бенача хоамо.
Единороссаша белгалдир, Къаман проектага гIолла дIахьоча балха терко еш, тIахьожам лоаттабеш хилар лоархIаме долга. ГIишлон балхаш чаккхенга кхоачаш йистедаллалца, тIахьожаш хила беза балха.
