ГӀалгӀайчен единороссаша 90 шу даларца даькъалавийцар Малсаганаькъан Арсмак
Секретарь Ингушского регионального отделения партии «Единой России» Магомет Тумгоев накануне поздравил старейшего члена партии Арсамака Арсамаковича Мальсагова, которому исполнилось 90 лет, с днем рождения. Председатель Парламента РИ вручил юбиляру поздравительный адрес от секретаря Генерального совета «Единой России» Андрея Турчака и подарок, информировали газету «Сердало» в пресс-службе Парламента республики.
«ЛоархӀаш волча Малсаганаькъан Арсмака боккха лоархIам болаш вахара оагӀонаш я. Из «ЦаI йолча Россена» юкъевера 20 шу хьалха, 2003 шера. Массайолча хана мехка а ший республиканна а пайдане хила хьежав.
1959 шера Наьсарен шахьаре хьалъеш лаьттача «Электроинструмент» завода кулгалхо хилар цох. Цига дукхача шерашка болх бир, 1978 шера гурахьа кхаччалца. «Автоспецоборудование» яхача Шолжа-ГӀалий тӀарча завода кулгал деш хул из 1981 шера кхаччалца. 1981 шера из хьожаву «Госкомцен» оалача комитета кулгалхолла. Из цу хана Нохч-ГӀалгӀай АССР министрий Совета чуйоагӀаш яр.
1982 шера из цига заместитель хул, цул тӀехьагӀа дукха ха ялалехь, Нохч-ГӀалгӀай Госплана кулгалхо а автономни республикан министрий кабинета кулгалхочун заместитель а хул.
1992-1996 шерашка кхаччалца, ГӀалгӀайче гIолла волча РФ Президента викала заместитель волаш къахьег цо. 1996 шера, из кертте латташ, цо кулгал деш. хьакхолл Наьсарера зIамагIа низ бола электродвигателаш хьаду завод. Кхозза Нохч-ГӀалгӀай Лакхехьарча Совета депутаталла а хержав из. Цун къахьегама лакха мах беш, цунна денна паччахьалкхен совгӀаташ а да», — йоах хоамо.
«Хьа хьаькъал, говзал, нийса вахара никъ бахьан, лоархӀаш ва хьо. Баркал оал хьона, вай партена мутӀахьа хьо хиларах. Могашал а йолаш, дукхача шерашка вахалва хьо», — аьлар ТӀумхой Мухьмада, яьннача ханаца из даькъалавувцаш.
Иштта Арсмака Арсмака а баркал аьлар ше лархӀарах, шийна терко ярах.
