Наьсарера единороссаш баха хилар, тIема ветеран волча, «Йоакхо ераш юххе ба» яха болам хьаллацар духьа
06.10.2023 14:38
Берригача мехка единороссаша дIахьош дола «Йоакхо ераш юххе ба» яха дика гIулакх хьаллоацаш, доал деча даькъ тIара секретарь, Наьсарен-Шахьара депутатий совета кулгалхо Бохтаранаькъан Ювсап, шахьара совета кулгалхочун гIонча Iарчакханаькъан Билан, шахьара совета депутаташ Саганаькъан Руслан, Коазой Лолита баха хилар тIема ветеран Медаранаькъан Мухьмад волча, иштта цун дезала кхачан совгIат дир, яхаш, дийцар «Сердало» газетага «ЦаI йола Росси» яхача парте моттигерча отделене.
«Тхона хов, ветеранашта фу эш хьажар, цар дезала хьашташ кхоачашдеш хилар вай юкъара декхар долга. Тхо кийча да из мо дола дика гIулакх хьаллаца, эшачоа гIо де», - аьлар Бохтаранаькъан Ювсапа.
