Къаман библиотекан ганза цхьаькха, «Бӏарча висачун йоазош» яха, книжка тӏакхийтар
Янданаькъан Жамалдан цӏерагӏча Гӏалгӏайчен къаман библиотеканна цхьаькха, технически ӏилмай доктора Албохчанаькъан ӏаьлий книжка тӏакхийтар, «Бӏарча висачун йоазош» яхаш да из. Укх шера «Спектр» яхача столицерча Кепайоазон цӏагӏа арадаьлар из, цу тӏа да автора доалахьара йоазош. Албохчанаькъан ӏаьла, ше къаьстта тӏаэцача вахарах, иштта вахара говзалга гӏолла дувц дешачарна ХХ-ча бӏаьшерен лоархӏаме исторически хьалаш.
Цу тӏа дувцараш да 1940-ча шерашкара 1970-ча шерашка кхаччалца хиннараш.
Автора дагаух, уйла ю, тӏахьожаш ва из цу ханара сурт хьакхоллаш.
Ювсапа ӏаьла ваьв 1941 шера. Къам мехкахдоаккхача хана зӏамига вале а, «спецпереселенец» яха цӏи йолаш хиннав из.
Шийна дагадоагӏараш дувцаш, цо кӏоаргга маӏан ду Сталина нах мехкахбаьхача заман, иштта хрущевски ханаш юкъейоалаю, «брежнева ханаш» дӏайолалуш хиннар а дувц. Книжка тӏа я дешахьалхе, цу ханара сурташ а долаш», - аьлар «Сердало» газетага Гӏалгӏайчен керттерча библиотеке.
Библиотека ганз цу тайпарча кхолламца хьалйизар исторически дагалоаттама доккха совгӏат да. Албохчанаькъан ӏаьлий мемуарех ханех долча хоамий мах бола кӏийле хургья тохкамхошта, мехка истори дезарашта.
Гӏалгӏайчен Къаман библиотеко дӏахо а кердача книжкашца шоай кӏийле чӏоагӏъеш латт, цу юкъе мехка мах бола культуран тӏехьале лораеш.
