«Гӏалгӏайче - кхерамзлен мохк» яха кхетаче дӏайихьар Магасе
Магасе хьайийллар республикански кагирхой дешара, спорта «Гӏалгӏайче-кхерамзлен мохк» яхача даькъ тӏарча хьехамчий кхетаче. Из вӏашагӏъелла я экстремизма, терроризма духьалара болх дӏабахьара кагирхошта юкъе, иштта къамашта юкъера барт чӏоагӏбара, граждански хьинар лакхдара.
Ювцача моттиге гулвелар 120 саг хьехархой, тренераш, иштта хьинар дола нах, тайп-тайпарча доакъош тӏа кагирхошца болх беш бола. Кхетачен керттера бахьан - кхерамзлен, пайдане хьал хьакхоллар кагирхошта, кхувш йоагӏача тӏехьенна юкъе.
Программанна чудоагӏар лекцеш ешар, вӏашагӏкхетара къамаьлаш, говзанча хьехамаш, цар ювцар граждански бехктокхама оагӏув.
Къаьстта йола терко йир кхерамзлен, дешара, спорта доакъош тӏа. Иштта доакъашхоша шоайладовзийтар дика кхоачашде ка яьннараш, йийцар шоайла тешам хилара дешархошта, хьехамчашта юкъера оагӏонаш.
Кхетаче чакхйоалаш, гранта яхь дӏайихьар 16-35 шу даьннарашта юкъе, из хьаллоацаш яр Роскагирхой, цига дикагӏа йолча проектах 300 эзар сом лургда.
Гӏалгӏайчен кулгалхочо Келаматанаькъан Махьмуд-ӏаьлас ший бувзама оагӏонашка белгалдир кагирхошца дӏахьоча балха, иштта кхерамзлен тема республикан керттера хилар.
«Республико хала ханаш лайнай 2000-ча шерашка; доккха хатараш нийсделар, террористаша маьрша нах боабеш. Уж исторен оагӏонаш вай дегашка човнаш хинна йисар», - аьлар республикан Кулгалхочо.
Цу тайпара кхетаченаш хиларо таро лу юкъарлон цхьоагӏо лорае, иштта ноахал кхеде, аьнна, тӏатехар цо.
