«Вай республикан вахаре хӀара дийнахьа нийслуш долча лоархӀамеча дешашца дувзаденнача хӀамаех го а деша а йиш хургья наьха, цу видеостудега гӀолла», - аьлар цо.

Видеостуде бергболча керттерча балхах цаӀ хургба, мехка белгалбаьннача нахаца хургдола къамаьл. Редакце журналисташа цу балха тӀа шоаш де лаьрхӀа керттердар белгалдаьд: сиха хоам бар, дика чулоацам хилийтар, наха а паччахьалкхенна а цох пайда балар.

«Сердало» газета редакце видеостуде хьоашалгӀа бех, хьабала пайда болаш, теркам тӀаозаш, ший балхаца дувзаденна хьаькъал, из болх беча эша говзал йолаш, дувца хӀама дола нах.

Хьамсарча республикан исторех, цун дикача нахах бола гойтам кхолларгба вай цхьана.