ГӀалгӀайчен ГАИ хьалхадоаккх, боккхагӀбараш берашта хьалхашка бехктокхаме хилар
ХӀанз хьаэттар эггара йӀаьхагӀа йола салоӀама ха хиларца дувзаденна, цул совгӀа берашта эггара чӀоагӀагӀа езаш из хилар а чулоацаш, республикан ГАИ болхлоша хьалхадоаккх, боккхийчар бехктокхам хила безилга, хьалхарча аргӀагӀа уж ба даьй-ноаной. Урамашка шоай бераша фу леладеш да ха деза царна, тӀехьахьажа беза берашта, яхаш, дийцар «Сердало» газетага ГӀалгӀай Республикан Паччахьалкхен автоинспекце.
«Бераш аьхки каст-каста ловз, боккхийчар тӀахьожам а боацаш. Таханарча хана, царех дукхагӀа дола бераш самокаташца хохкадала ловш хул. Из цхьаькха а масал да, уж теркал ца деш дита йиш йоацилга хьагойташ дола. Из доацаш а, вай урамашка машинаш дукха лел.
Берашта лерттӀа дӀахьеха деза, урамашка малагӀа бокъонаш лелае еза, даим царга хьажа веза воккхагӀвар, теркама юкъе хила деза бераш», - аьлар ГӀалгӀайчен паччахьалкхен автоинспекце, вай бахархошка кхайкарал деш.
