Ессентукерча яхьашка, котало яьккхар вай гимнаста
18.03.2024 10:50
Котало яхьаш, цӀакхаьчар вай къона гимнаст. Ессентуке дӀайихьача спортивни гимнастиках йолча яхьашка дото майдилг яьккхар цо. Из хоам «Сердало» газетага бир республикерча спорта гӀулакхtх йолча министерстве.
«Хьалхарча кагирхой даькъах дика чакхваларах, дотув даьккхар Йовлой Аслана. Гимнастиках йолча академе тренера БӀарахой Ӏаддал-Малика кийчваь гимнаст ва Аслан», - йоах тхогарча хоамо.
Россерча 15 моттигера тӀавенача дикагӀа волча 200 спортсмена юкъе белгалваьлар вай мехкахо. СССР спорта воккха говзанч хиннача Назаров Владимира хетаяь яр укх бетта юкъе Ессентуке дӀайихьа уж яхьаш.
