ЖӀайрахьа кхален администраце кулгалхо майдилгаца белгалваьккхар
05.09.2024 16:56
ГӀалгӀай мехкарча сага бокъонех волча викало, ЦӀечой ИбрахӀима, ЖӀайрахьа кхален администраце кулгалхо Лаьнанаькъан Ахьмад, «ГӀалгӀай республикан сага бокъонаш лораярах» яхача мейдилгаца белагалваьккхар. Из совгӀат делар цунна Магасе, гӀалгӀай паччахьалкхен 100 шу дизара цӀай хьатӀадоагӀаш хиларца дувзаденна.
«ЖӀайрахьа кхале дукха туристаш чулатташ йола моттиг я. Укхаза лакхача боараме вӀашагӀбеллаб из болх, из тӀаберзабаь ба цига хьаухаш болча туристий а цу кхале бахаш болча наьха а бокъонаш лораяра. Лаьнанаькъан Ахьмада йоккха терко лоаттаю цу даькъ тӀа бахача наха, моттигерча наьха хьашташ кхоачаш ца деш дитац», - яхаш, ЦӀечой ИбрахӀима дешаш кердадаьхар ГӀалгӀай Республикерча сага бокъонех йолча фусама хоамий-аналитически даькъ тӀа.
