ГӀалгӀайчен кулгалхочо «Комсомольски правданна» интервью елар
ГӀалгӀайчен кулгалхочо Келаматанаькъан Махьмуд-Ӏаьлас интервью елар Россе эггара чӀоагӀагӀа довзаш долча газетех цаӀ долча – «Комсомольски правданна». Цо даькъалабийцар журналисташ бӀаь шу даларца, из газето белгалдир маьтсела бетта 24-ча дийнахьа.
СМИ викалашца къамаьл деш, Мехкадас теркалдир КИФа лоархӀам боккха хилар, республикан экономически дегӀаяра хьакъехьа. Цо белгалдир форум ший тайпара майда хилар, цига ГӀалгӀайчен ший таронаш гойта йиш хургья.
«Республика хьинаре къахьегаш я, промышленность, юртбоахам, туризм, инновацей таронаш дегӀайоалаеш. Тха предприятеш кийча я дикал лакха йола продукци арахеца, ерригача Россе партнёрашта керда проекташ гойта», - аьлар мехка Кулгалхочо.
Цо иштта белгалдир лоархӀаме хилар цу тайпарча йоккхийча корпорацешка, банкашка, Сбербанк санна йолча, Россельхозбанкашка, Ростехашка, иштта транспортни компанешка дакъа лаца йиш йолаш хилар. Цул совгӀа, кхетаче керда бартчӀоагӀам баро таро лургья бувзам чӀоагӀбе, инвестицеш юкъеяха, керда керттера проекташ кхоачашъе. ГӀалгӀайче лаьрхӀа я дегӀаахара даькъ тӀа лаьрххӀа бола гӀа баккха, экономикан керттердар тоадеш, - аьлар Келаматанаькъан Махьмуд-Ӏаьлас.
