«Запорожье дахача кхаь бера дезачунга хьожаргва Мехкада. Токмакски кхалерча Грушевка яхача юрта яхаш йолча Дьячкова Илонайна чӀоагӀа дукха еза теникаш, иштта сурташ дехкаш а хоза хет цунна. Молочанск яхача шахьарерча Попова Анастасияйна графически планшет эш чӀоагӀа, хӀаьта, Кутузовка яхача юрта вахача Гарькавый Никитайна ше дӀайодаш йола машен эша дукха ха я.

Вай мехкарча кхаь бера дехараш теркалдергда иштта: Пхьошанаькъан Марема планшет еза; Гелисханаькъан Мухьмад Ӏай тӀадувхаду барзкъаш, маьчеш эшаш ва; Чомаканаькъан Мухьада чӀоагӀа сатувс принтерга», - йоах тхогарча хоамо. Шоаш хьега совгӀаташ дӀакхоачаргда берашка. «ХӀара бера, миччахьа из дахаш дале а, боккхийбарий терко, цар безам эш. Бераша сатувсараш тайп-тайпара да. Цхьаннена ловзараш эш, хӀаьта цхьаволчоа Ӏа дӀайха даккха тӀабувха гӀирс беза. Къаьстта лакха терко ергья оаха иштта дехараш долча берашта. Теникаши машинаши еха езаш долча берий дагалаттараш кхыдола хӀамаш да», - белгалдир вай Мехкадас.

Республика кулгалхочо теркалдир, берий дагалаттар лархӀар, цар хьашташ кхоачашдар чӀоагӀа лоархӀаме долга. Цу боламе гӀолла дуккхача берий дог хьаста, уж гӀаддига аьттув ба паччахьалкхен моттигашка къахьегарий. Из болам дӀахьоча юкъа, Россерча 40 эзар бера дакъа лаьцад цу юкъе, 106 эзар берий дехар кхоачашде аьттув баьннаб. СовгӀатех дӀаиха ахча 7000 000 тӀехдаьннад. 2024-ча шера саькура бутт йистебаллалца, дӀахьоргба болам.