ГӀалгӀайчен Кулгалхочо «Росси» оалача кхетаче дийцар, АПК толамех а декхарех а
ГӀалгӀайчен Кулгалхочо Келаматанаькъан Махьмуд-Ӏаьлас, Москверча «Росси» яхача Халкъашта юкъерча, вице-премьера Новак Александра кулгал деш хиннача кхетаче-гойтаме дийцар, ГӀалгӀайчен юртбоахама карагӀдаьнначох, дӀахо де лерхӀачох. Из хоам тхога бир мехка кулгалхочун зарбан болх лелабераша.
«Белгалдаккха лов, республике цу даькъ тӀа дукха къахьийгад, цунна тешал ду таьрахьаша.
2020 шера денз, АПК дегӀаенай - юртбоахама продукци 1,8-зза, 2023 шера 20,5 млрд сом пайда а беш.
Баьцадаарий дегӀадаро цецвоаккх: кӀа - 4,3-зза, коартолаш-2,2-зза, баьцадаараш -1,5-зза.
Хьайбаш тӀакхетар: доккхий, зӀамига хьайбаш тӀакхетар 1,3-зза, иштта 1,6-зза дегӀаденад.
2023 шера экспорта лаьрхӀа дӀайохьийта кхачан хӀама лаьрхӀачул дукхагӀа хилар пхийттаза, из я 84 тонн, 24,5 млн США доллар мах болаш», - аьлар Махьмуд-Ӏаьлас, ГӀалгӀай Республикан лоархӀамегӀа йола оагӀув дегӀаярах дувцаш.
Республике кийчбеш ба АПК даькъ тӀа тахан а кхы массехк шера а къахьегаргдола лакха говзал йола болхлой.
БӀаьш говзанчаш кийчбергба итташ предприятешка болх беш хургболаш.
Юртбоахам - вай республикан экономикан лоархӀаме оагӀув я, республикан продуктах пайда эцара процент 13-га кхоач. ХӀанз, санкцеш юкъеяьхача хана, мохк кхачанца Ӏалашбеча керттера я из», - аьлар, ше къамаьл деш, Махьмуд-Ӏаьлас.
Цо белгалдир, федеральни оагӀорахьара цу даькъ тӀа дукха терко лоаттаеш хиларах, ГӀалгӀайчен АПК тешшаме дегӀайоале таро хул, аьнна.
