Ӏаьдала болхлой даькъалабийцар вай Мехкадас
20.12.2023 10:26
Шоай къахьегамца дувзаденна долча цӀайца, даькъалабийцар мехкадас Келаматанаькъан Махьмуд-Ӏаьлас Ӏаьдала болхлой. Из хоам «Сердало» газетага бир Мехкадаь зарбан болх лелабераша.
«Республикерча ФСБ оагӀон болхлой шоай моттиг лакха лоаттаеш, боаггӀача боараме болх дӀахьош хьабаьхкаб. Аз доккха баркал оал цу наха, шоай декхараш дизза кхоачашдеш, кхы а дикагӀа болх тоабе гӀерташ, хьабахкарах», - белгалдир вай Мехкадас ший къамаьла юкъе.
Республикан кулгалхочо теркалдир, цу наьха деналца, шоай гӀулакх дика ховш хиларца; моттигера хьал паргӀата хургда, аьнна. Аьттув болаш, иразе, беркате хилда шун вахар!
Могаш, маьрша долаш, шоай болх кхы а дикагӀа тоабеш, дӀадаха низ хилба шун, аьнна, даькъалабийцар уж Мехкадас.
