Гӏалгӏайчен Кулгалхочо белгалдир, «РИАЛ» яха кӏалах гӏирсаш ду завод дегӏааха таронаш йолаш хилар
«РИАЛ» яха кӏалах гӏирсаш арахецаш йола завод, тахан Гӏалгӏайчен промышленноста даькъ тӏа дика пайда бахьаш я. Из тешшаме гӏа боаккхаш я ше кхеллар маьхалдоаккхаш, из российски заводашка, кхыча мехкашка дӏайохьийташ. Дӏадахача шера цох дика пайда ийцар. Арахецара дукхал 12,8 эзар тонн хилар, из бахьан долаш компане 1,5 миллиард сом совгӏа компанена пайда хилар.
«РИАЛ болх беш я, 2022 шера денз. Инвестицеш хьалхарча аргӏагӏа 535 млн сом гаргга хилар, дӏабода завода низ шера 10 эзар тонн хилар. 2023 шера инвестора хьалдайтар завода низ чӏоагӏбара кхы а 120 млн. сом. Цу тайпара предприятеш хиларо, республикан промышленни кӏийле чӏоагӏъю, иштта гӏулакхаш леладара, кхыча респубикашца бувзам лелабара таронаш лу. Тха декхар да - долаш дола балхаш хьаллацар, инвесторашта шоай проекташ кхоачашъе новкъостал дар. Промышленность дегӏайоалаяр - из керттерча декхарех цаӏ да, Гӏалгӏайчен экономика чӏоагӏъяра даькъ тӏа», - аьлар республикан Кулгалхочо Келаматанаькъан Махьмуд-Ӏаьлас.
Республикан Кулгалхочо ше тешаш ва аьлар «РИАЛ» завода дӏахо дегӏаяра эшаш йола таронаш хиларах; арахецара низ совбоаккхаш, уж маьхалъяхара керда моттигаш лохаш из дӏагӏоргья, аьнна. Цо яхачох, цунца таро хургья цу даькъ тӏа чӏоагӏа кӏийле хьакхолла, иштта Гӏалгӏайчен ерригача промышленноста таронаш дегӏайоалае.
