ТӀема операценна юкъе вахар хаьдача бӀухой орденаш дӀаелар Мехкадас цар гаргарбарашка
27.12.2024 09:21
СВО юкъе декхараш кхоачашдеш, вахар хаьдача бӀухошта йоагӀа Денала орденаш цар даьшка, ноаношка дӀаелар Мехкадас Келаматанаькъан Махьмуд-Ӏаьлас. РФ Президента амарца луш орденаш я уж.
Вахар хаьдача бӀухошта юкъе ба: мугӀарера Марзбиканаькъан Беслан, сержант Доврбиканаькъан Зураб, мугӀарера Гаглой Ислам, Ӏаьленаькъан Заьлмаха, капитан Дзангенаькъан Халид, старшина Говрой Бахьаудин, ефрейтор Маларой Адам. РФ гварде къаман эскара Федеральни моттига доакъашхой бар уж берригаш.
«Уж ба бокъонца бола турпалаш! Дизза шоай декхараш токхаш хьабаьхкар вай бӀухой. Хьалкхувш латтача къонача тӀехьенна доккха масал да деналах бизза бола, яхь йола къаман къонгаш!» - аьлар вай Мехкадас.
