Мехкарча ахархошта гӏо де дезилга белгалдир мехкадас
Юртбоахамца дувзаденнараш лоархӏаме моттиг дӏалоацаш да вай мехка. Республикан паччахьалкхен политикаца; юртарча моттигий, бахархой хьалаца керте латтарех да из гӏулакх. Цох лаьца дийцар ший аргӏанарча йоккхача кхетаче вай мехкадас Келаматанаькъан Махьмуд-ӏаьлас.
«Аграрешта гӏо деш, цар оагӏув хьаллоацаш хила, аьнна, тӏадиллад аз. Лаьттанца къахьегаш болча наьха балхаца цхьаккха кхоачамбоацараш хургдоацаш, паргӏатта шоай гӏулакхаш кхоачашде цар аьттув хургболаш, терко е еза. Лерттӏа, дика бола кхоачам вай дукхагӏа арахецарга хьежжа тоалургда мехка хӏама.
Юртбоахама, баьцовгӏай хьал, агропромышленность меттайоалаеш, цу оагӏонца къахьегаш болча наьха оагӏув хьаллоацаш болх лоаттабергба вай дӏахойодача хана а», - язду вай Мехкадас ший Телеграм-оагӏон тӏа.
Мехка кулгалхоша новкъостал лоаттадеш хилар, республикан вахара-экономически хьал тоадара тӏехьа лоархӏаме да.
