«Керда наькъаш, дарбанчеш, ишколаш, ДОУ, салаӀара йола керда моттигаш хьакхоллар- вахаре лоархӀаме проекташ кхоачашъяр дӀадолалу контракташ оттаярца, госзакупкаш дӀахьош хиларца. Цудухьа уж балхаш шоай ханнахьа дӀахьош хиларах тийша да, бюджетни ахча дӀачӀоагIдаь хилар, лаьрхӀача хана салоӀа моттиг е кхыйола гӀишло хьалъяь ялар», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас, хьалхашка латта декхараш кхоачашдара хаттар ше дувцаш.

Цо белгалдир, къаман проекташ кхоачашъяр, республикан Ӏаьдала, министерствашта, службашта лоархӀаме да, аьнна. Цу хьакъехьа ха дезар да, цхьаннегахьа озабезам бергбац, йилла ха тӀехьаяккхара е кхыдолча гӀулакха.

Карарча хана 100% контракташ чӀоагӀъяьй автомобильни наькъий министерствоца, цар хӀара шера хьалхара моттиг йоаккх федеральни а моттигергча яхье. Республикан Ӏалама министерствон, гӀишлошъяра министерствон хьокхам 76% я.

«Белгалдаккха безам ба, вай республике къаман проекташ кхоачашъяра хьокхам совбоалаш хилар. 2023 шера из хилар 99,3%.

Декхар оттадаьд мехка Паччахьалкхен хьалхашка из болх 100% боарам болаш хилийтара, ший ханнахьа дикал йолаш болх дӀабахьара. Къаман проект кхоачашъяр, из мехка Президента тӀадилла декхар да. Из кхоачашдаь хила деза», - аьлар Макшарипа Махьмуд-Ӏаьлас.