ГӏалгӀайчен Кулгалхо вахар «Безача Рамадана» ярмарке
ГӏалгӀайчен кулгалхо Келаматанаькъан Махьмуд-ӏаьла вахар «Безача Рамадана» ярмарке, из дӀахьош яр Магасе, яхаш, дийцар «Сердало» газетага ГӏалгӀай Республикан кулгалхочун зарбан болх лелабераша.
«Гойтамга хьежар, говзанчашца, предпринимателашца къамаьл хилар. Цу тайпара ярмаркаш чӀоагӀа эшаш я. Цар таро лу шоайла балха говзал эца, республикан бахархошта, хьаьшашта къаман Ӏадаташ довзийта, иштта чӀоагӀбу СКФО регионашта юкъера бувзам», - аьлар Макшарипа Махьмуд-Ӏаьлас, шийна цига хийттар дувцаш.
Из болх вӀашагӀбеллар яр ГӏалгӀайчен мах бара-промышленни палата. Йоккхача майдан тӀа гуш бар ГӏалгӀайчен санна, СКФО кхыча моттигашкара а кхача хьабераш.
Белгалду, тайп-тайпара ярмаркаш вай республике дӀахьош я каст-каста. Цо хьагойт из хьал дика дегӀадоагӀаш хилар.
