ГӀалгӀайчен Кулгалхочо даькъалавийцар РАН доакъашхо-корреспондент Овшанаькъан ТӀахӀир
ГӀалгӀайчен кулгалхочо Келаматанаькъан Махьмуд-Ӏаьлас дег чура даькъалавийцар РАН доакъашхо-корреспондент Овшанаькъан ТӀахӀир «Даьймехка хьалха карахдаьннарех» яха ӀӀ лоархӀам бола ордена майдилг цунна яларца, яхаш, дийцар «Сердало» газетага республикан кулгалхочун зарбан болх лелабераша.
«ДоагӀаш денна совгӀат! Доаккхал ду! Овшанаькъан ТӀахӀир - российски физик, РАН профессор, МФТИ лакхача энергей, физика кафедра кулгалхо. Боккха болх ба ӀТ-дешар дегӀадоаладеш вай республике дӀахьор», - аьлар Мехкадас, ше хьаькъал дола, дийша саг вувцаш.
Цо кулгал даьд адронни коллайдераш тӀа хьалхара болх дӀахьош Швейцаре, Японе, тӀехьарча шера къахьегаш ва Российски Федерацен Ӏилма-технологически никъ 2035 шерга кхаччалца дегӀабоалабеш, из тохкаш дика дакъа лаьцад.
Махьмуд-Ӏаьлас дег чура даькъалавувц ТӀахӀир, цо баьча балхаца, ший хьамсарча мехка сий айдеш, кагирхошта масала гойташ, дика толамаш доахаш, из хьавоагӀаш хиларца.
