«Ер Даькъасте я» яхача ТАСС проекта тоаба 11 шу дизарца даькъалайийцар вай Мехкадас
«Ер Даькъасте я» яхача хоамий оагӏонцарча оагӏон доакъашхоша болх дӏаболабаь 11 шу дизарца даькъалабийцар вай Мехкадас. Республикан кулгалхочо белгалдир, бахархой вахара наькъага гӏолла; мехка истори, культура, таханара гӏулакхаш довзийтар боккха, лоархӏаме болх болга.
Мехкадас теркалдечох, Даькъасте йовза, цун хӏама тахка ловчар оагӏув хинна дӏаэттай проект, хӏаьта журналисташа вай республикера вахар, гӏулакхаш дикка доаржадеш, довзийташ да.
Къаман исторически тӏехьален, мехкарча лоархӏамеча гӏулакхий, хувцамий хӏама хьаллацарах; редакцена доккха баркал кхайкадир Мехкадас.
Келаматанаькъан Махьмуд-Ӏаьлас дӏахойодача хана а ерригача Россена вай республика дӏайвзийташ къахьегара тӏахьийхар «Ер Даькъасте я» яхача тоабан доакъашхой. Йоккхий проекташ, сийдола турпалхой, массане дегашка ювшаргйола сюжеташ ма эшийла хьинаре шоай болх дӏахьоча журналисташта!
