Вай Мехкадас даькъалавийцар Селий мехка кулгалхо
12.09.2025 14:20
Гӏалгӏайчен кулгалхочо Келаматанаькъан Махьмуд-ӏаьлас даькъалавийцар ший балха новкъост, Селий мехка кулгалхо Меликов Сергей, 60 шу дизарца.
Республикан кулгалхочо белгалдир, Сергей Алимович ше лаьрхӏар кхоачашдарца низа а денала а сийрда масал хилар. Уж дика оамалаш, Макшарипа Махьмуд-ӏаьлас яхачох, къаьстта тахан эшаш а, чӏоагӏа лерхӏам болаш а я.
«Сона хов, мел йоккхий халонаш кхаьчаяр аьнна, вайца вошал дола Селий мохк, цо кулгалдеш, тешшаме дӏахьалхабодаш болга», - аьлар Мехкадас.
Ше из даькъалавувцаш, Меликов Сергейга могаш волаш, деррига дика а долаш, иштта дукха дика гӏулакхаш лорадеш, доккхий толамаш доахаш, Селий мехка, ерригача Россена долча диканна кхы а дӏахо болх бе низ кхоачалба хьа, яхаш, дийцар Келаматанаькъан Махьмуд-ӏаьлас.
