Гӏалгӏайчен Кулгалхочо республикан суда тоаба даькъалайийцар, суда болхлочун Денца
Гӏалгӏайчен кулгалхочо Келаматанаькъан Махьмуд-Ӏаьлас даькъалавийцар профессиональни цӏайца республикан Лакхехьарча суда кулгалхо Гӏазданаькъан Ӏийса, Арбитражни суда кулгалхо Исмейланаькъан Ӏийса, иштта республикан суда болхлой. Суда болхлочун Ди белгалдаьд, РФ Лакхехьарча суда кулгалхочо Краснов Игора могадаь хиларца, Россе Президента Путин Владимира хьаллоацаш, 2025 шера.
Ший кхайкарал тӏа республикан кулгалхочо белгалдир; бокъоний паччахьалкхе хилара керте латташ ба суда болх, аьнна. Ерригача паччахьалкхен бокъонаш лораеш, цӏена болх дӏабахьарах тийша да, вай бахархоша цу паччахьалкхен балха тешам луш хилар.
Судашка дӏахьош бола болх боккха бехктокхам болаш, лакха балха говзал хила езаш ба. Цу даькъ тӏа керттердар да, хӏара говзанча ший балха керттера декхар довзаш, сага бокъонаш лораеш, нийсхон тӏехьа из дӏахьош хилар.
Гӏалгӏайчен Кулгалхочо ше тешаш ва аьлар, республикан суда даькъ тӏа нийсхо хиларах, шоай болх дика бовзаш, из лерттӏа вӏашагӏбелла цар дӏахьош хиларах. Цо беррига суда болхлой даькъалабийцар, дика унахцӏено йолаш, закон леладара дика толамаш доахаш, уж дӏахо а дӏаболхаш хилар ловш.
