Вай Мехкадас даькъалабийцар керда хержа СКФО республикай кулгалхой
Гӏалгӏайчен кулгалхочо Келаматанаькъан Махьмуд-Ӏаьлас даькъалавувцаш каьхат дахьийтар Темрезов Рашидага, Кадыров Рамзанага, Щукин Федорга, Меняйло Сергейга. Цо белгалдир, кулгал дара говзал, профессионализм, декхар кхоачашдара кийча хилар моттигаш дегӏайолаеча накъадоалаш хургда. Келаматанаькъан Махьмуд-Ӏаьлас иштта аьлар, цхьана дӏахьош болча балха кулгалхошта таро лургья, шоай республикаш экономически дегӏайоалае, иштта бахархой вахар тоадара керда таронаш хьаелла.
«Даькъасте массаза а хиннай лоалахошца барт болаш. Со тешаш ва вай республикаш дӏахо а иштта воайла хьаллоацаш, цхьана болх дӏахьош хургья, аьнна. Цу юкъе доккха дакъа лоац Даькъастен федеральни куран керте волча Россе Президента викала Чайка Юре. Цо хьаллоац республикай хьашташ, новкъостал ду федеральни центраца бувзам лелабе, - аьлар Гӏалгӏайчен Кулгалхочо.
Келаматанаькъан Махьмуд-Ӏаьлас ловца баьккхар ший балха новкъосташта, уж могаш, керда толамаш доахаш хилар ловш.
