ГӀалгӀай мехка Кулгалхо хьакхаьчар Кавказа инвестицей кхетаче - 2025
ГӀалгӀайчен кулгалхо Келаматанаькъан Махьмуд-Ӏаьла хьакхаьчар Кавказа инвестиционни кхетаче-2025, цига мехко ший экономически инвестицей таро гойтаргья.
Цу гулламе дувцаргда керттерча даькъ тӀа инвестицеш юкъеяхарах: ший доалахьара болх лелабар, АПК, энергетика, транспорт, туризм, унахцӀено, халкъашта юкъера бувзам, иштта кхы дӀаходар а.
Макшарипа Махьмуд-Ӏаьлас шин дийнахьа болх дӀабахьа лаьрхӀад, Россе премьер-министра Мишустин Михаила кулгал а деш дӀахьош долча вӀашагӀкхетаре, иштта йоккхача кхетаче дакъа лоацаш. Программан лоархӀамегӀа дола дакъа да, Къилбаседа Кавказа цхьацца йолча моттигашца бартчӀоагӀам беш кулг яздар.
Цул совгӀа, ГӀалгӀайчен Кулгалхочун къамаьл хургда РФ экономически дегӀаяра министра гӀончаца Назаров Сергейца, «Газпрома» кулгалхочунца, иштта «ЦӀа. РФ» АО генеральни кулгалхочунца Мутко Виталеца. Цул совгӀа къамаьл хургда «Сафмара» кулгалхочунца Гуцаранаькъан Микаилаца.
Къаьсттта терко тӀайохийт Магасски-Шолжен агломерацена, цига юкъедаяха лаьрхӀад 100 млрд сома инвестицеш, ГӀалгӀайче экономически дегӀаахара, гаргарча итта шера лоархӀамегӀдар да из.
Кхетачен чудоагӀаш, вай Мехкадас къамаьл дергда федеральни СМИца.
