«Кхыча къамий истори, культура, Ӏадаташ довзаш хиларо воайла дикагӀа кхеташ хулийт, цо шоайла вӀашкаоз къамаш. Вай тайп-тайпара да, бакъда вай россен дахархой да, цхьан мехкара нах да. Вай тайп-тайпарча ханашка хьалкхийнад, цхьатарра вахара-эздела хьехам луш, вай уйлаш а цхьатарра я, лоархIаме хIамаш юкъара да, цхьатарра кхетаду дика а во а. ХӀара сага юкъехьу, вай паччахьалкхе дегӀайоалаяра шийгара дакъа. Вай низ - вай цхьана хиларца. Цудухьа «Доккха этнографе диктант» - из, хьалхарча аргӀагIа, воайла довзар хьаллацара, къамашта юкъера бувзам чӀоагӀбара тIагIолла дӀалуш йола экзамен я», - аьлар ГӀалгӀайчен кулгалхочо ше цу юкъе дакъа лоацаш хиларах дувцаш. Диктант дӀахьош, цу юкъе дакъа лоацаш волчо 30 хаттара жоп дала деза, царех 20 мехка юкъарча исторех лаьца да,10 белггаларча а ше вахача а моттигах лаьца да. Гуш да, шоашта ховш дар гойта безам бараша диктантага дикка кийчо е езилга.