ГӀалгӀайчен Кулгалхочо бахархой тӀахьийхар, тоае еза моттигаш хьахоржаш кхадж тассара
ГӀалгӀайче гӀолла кхадж тоссаш ба, дӀахо а тоаде деза доазонаш хьахоржаш, «Шахьара дика хьалаш хьакхоллар» яхача федеральни проекта чудоагӀаш. Республикан кулгалхочо Макшарипа Махьмуд-Ӏаьлас бахархой тӀахьех, цу лоархӀамеча гӀулакха юкъе дакъа лацара.
Госуслуги яхача портале, хӀаравар таро йолаш ва шийна тоадича бакъахьа хета доазув хьахаржа. Ший вахара бувзамашка Мехкадас кхадж тассара болх мишта дӀабахьа беза: кхоачам болаш да сайта чу дӀачу а ваьнна, ший шахьар е кхале хьа а леха, тоадича бакъахьа дола доазув белгалдар.
«Оаш дӀахо а кхадж тоссаш хиларо тхона новкъостал дергда республикан шахьараш, юрташ тоае; вай вахар хозагӀа, дикагӀа де», - аьлар республикан Кулгалхочо
Белгалду, «Шахьара дика хьалаш хьакхоллар» яха проект йолча юкъа, ГӀалгӀайче 190 совгӀа юкъара доазув тоадаьд.
